Capo 10

By -

A TUH MAN A ZUUN

Thlam ah an pafa in an in din i

"Ka fa, nupi lei hi na ruat lo 
tuk e. Kan inn thlang nu 
khi tthi ko ca"

==> "Eee, ka pa, kan inn thlang 
         nu cu a upa tuk si. Ka duh lo"

"Ticun ti hlah ca ka fa. 
A nu ngak lio ahcun a 
rak i dawhtuk mi a si khi."

An biaruah cu ngol in lo cu an 
thlo tthan i, chun hnu ah a fapa 
cu rawl chumh ah thlam ah a kal.
Rawl ei cu a za i an vun ei

"Aaaaa, kafa, ruatuai le mautuai 
hlah maw na chumh tiah, 
namtong hlok ah ka hman te lai tiah 
mau hram le rua hram a cangmi 
ka lakmi cu ziah na chumh?
A haktuk hi zeitin kan ei khawh lai?"

==> "Ka pa, ticun ti hlah ca, 
mah mau le rua hi an rak
no lio ahcun an rak thaw tuk ve si.»


A SI NGAI VE KO

"Facebook ah ka tthu bal lo 
a timi nan kut thlir uh"
tiah a ti i kei nih ka kut ka thlir
"Ziah Facebook ah na tthu le pei 
Facebook hna ah caa na ttial 
lengmang ko kha" tiah a ka ti i
"Saya, Facebook ah ka tthu bal lo. 
Tthutdan cung tu ah ka tthu"
tiah ka leh i,
"Si ngai ve ko" a ka ti 
-
"Kan i ceihmi cu na hna tla maw?"
tiah a ka hal i
"Tla lo"
tiah ka leh.
"Ziah"
a ka ti i
"Ka hna cu ziah tlak lai? 
Aa benh ko hi teh ka lu ah"
tiah ka ti i
"Si ngai ve ko" a ka ti.
-

"Tinsensi nan zuar maw"
tiah a ka hal i
"Tinsensi a dih cang. 
Tinhrinsi le Tinnahsi" 
lawng kan neih ka ti i
a vun zoh le a hringmi le 
a nakmi lawng um i
"Si ngaive ko" a ti.
-

Sentok nan ngei timi maw?
tiah a ka hal hoi i,
"Hringtok le rangtok lawng 
kan ngei." ka ti hoi le
a vun zoh cu a hringmi le 
a rangmi lawng a um i
"si ngai ve ko" a ti
-

Biakinn chung ah ka va lut i
"Ee, na rak chuak cang maw?" 
tiah a ka hal i
"Ka rak chuak lo, ka rak lut"
ka ti le "Si ngai ve ko" a ti
UM, SI NGAI VE KO, TI? :)




TV CHANNEL

Tv an ngeihnak a sau ngai cang
nain channel an laknak hi
ni khat te lawng sikaw
khat tthup cun inn chungah
an tthu ko hna i, cu lioah
Cawkawm ah cawtum an erhmi 
a chuak le an innpa nu nih
"Caw a chuak, caw a chuak."
tiah a chimh hna i
"Zei channel ah dah a chuah?"
tiah an hal le
Remote control cun heh tiah
Tv channel cu pakhat hnu
pakhat an thlen i an kawl





TAWNG HLAH NA RUAK A HUM DINGMI CA A SI.

 A thi deng mang mi tarpa aum i a thih hlan te ah an nu nih a rak rawh tawn mi changreu kha a hlam tuk i a ngeih chun thazaang vialte kha a chuah i ihkhun cung in bawh bu cun coka lei ah a kal. Cabuai cung ah cun changreu rawh cia le rawh te ding mi pawl an um i a ngeih chun thazaang dihlak bak a chuah i changreu pakhat cu ka vun la lai tiah a banh lio ah an nu cu a rak tli zok zok i thing haileng in a kut ah phawk a tuk le "Tawng hlah, ruak a kai ding mi hna ca ah asi." a ti.

Comments

Post a Comment

Popular posts from this blog

Capo 71

By -
KHUP LUAI Tawhrawlh thar te a van i hruk. Dawh tein a van i ttamh le nungak he lam an leng. Nungaknu nih "Na tawhrawlh aa dawh ko e!" a van ti lio ah a langhlat in "Khuuuuuuuup Luaaaaaaaai, ka pa nih ka tawhrawlh van pu seh, meeting ah kal ka duh hih, a tiiiiiii. » TULUK VS LAIMI Tuluk umnak ah; Restaurant Laimi umnak ah; Khaini NU LE PA HAWIKOM Pa le pa an i kom i tlawmpal ah «Ka kawi ka ral cang.»  Nu le nu an i kom i tlawmpal ah «Ka maw ka ral cang.»  Nu le pa an i kom i tlawmpal ah «Ka kawi ka dada cang.» MI BIA NGAI HMASA "Bia na chim hlan ah mi bia ngai hmasa." ti si kaw, ka bia ngaih hmasa hnu ah holh aa tim i a bia ngaih hmasa hnu ah holh kaa tim ve. Ticun holh lo veve in kan ttin.
Reel chap

Capo 70

By -
US AH LAIPA US um laipa pakhat cu a tthutnak hmun ah Ambulance nih an va lak. A ruang cu a kaa in thisen tam ngaite a chuak i a tthutnak hram zongah a chakmi thisen tampi an hmuh. Sizung ah rianrang in an tlikpi i sibawi te nih an hun check cu a thisen siloin kunja hang a rak si. PASTOR PA CAWNPIAKNAK An pastor pa nih "Phaisa duhnak hi tthatlonak phunkip chuahnak hram a si." timi kong kha a cawnpiak ciammam hna le a Khrihfabu chungtel pawl nih tthat lonak phunkip ton cu duh ve hna hlah kaw phaisa an kawl duh ti lo i; phaisa cheuhra cheukhat a um ti lo, thawhlawm a um ti lo, biakinn saknak phaisa a lut ti lo, Missionary an thlahmi zong phaisa an pe kho ti lo. Amah pastor pa lila zong lahkhah an pe kho ti lo i an buai kho eeeeee. FREE WIFI A phone aa lak le hellram lei ah a kal thluahmah. Peter nih a kut a hei zaoh i "Heiii... Khup Luai, ziah hellram lei ahcun na kal, vanram lei ah na ra lai lo maw? Innka ka hun ko hi." tiah a hei ti i Khup Luai nih aa thawh le...
Reel chap

Capo 66

By -
ZUU RAM PA Motor cycle in nichiar zuu dawr ah a kal le voikhat cu a kal lio ah a accident i motor cycle in a tla le a motor cycle te lawng zuu dawr a va phan. MITKUAK THUK PA A mit operation tuah ding a si le a mitkuak a thuk tuk i a hnu lei in an tuah. HUAT A TLAI BAKMI Bia i el lio asilole i sik lio ah chim ding bia hngalh lo i, inn ttin hnu ah chim ding bia ttha ttha a rat khi huat a tlai tak. RAWL EI LAI THLACAM Rawl ei lai thla an van cam i «Kan ei dingmi rawl chung i a thurhnawm le sivai ttha lo vialte kan thianhpiak ko.» tiah an ti bak khi cu a chuangtu caah tha a chia tak lai.
Reel chap