Capo 17

By -

PATHIAN NIH AN HMUH KO

Pastor pa nih dum pakhat a tuah i
a dum thei kha a hngalh lo kar ah
an fir piak leng mang i nikhat cu
a dum hau hruang ah
"Pathian nih an hmuh ko."
timi kha a ttial i a taar. A thaizing ah
ka dum thei a him deuh hnga maw
tiah a va zoh le a thei a hminmi vialte
cu an rak lawh dih tthan. 
"A ziah ka ttialmi hi an hmu hnga lo maw aw."
a ti pah in a ttialmi cu a zoh le a ttialmi
tang te ah 
"Na zuupu zong a hmuh ve ko khah."
tiah thei firtu hngakchia pawl nih an rak ttial ve.




ZOH U KHIH, THIANGTHLARAU A RAK TTUM

Pastor pa kha thawngttha a chim i
aa pummi pawl an ngu dih hna i
a thawngttha chim zong a tui kho lo.

Pumh cu a vun dih i Church Chairmen
pa he an i tong le Church chairmen pa
sin ah: "Aa pummi pawl hi an i ngu dih
ngawt lengmang le zeitin dah kan tuah hnga?"
tiah ruahnak a hal. Chairmen pa nih cun
"Hmaizerh i thawngttha na chim tikah
< Zoh u khih Thiangthlarau a rak ttum. >
tiah na ti hna lai i cun pungrang pi ka vun
i aih lai le pulpit hnu lei in ka vun chuak lai."
tiah a ti i pastor pa zong a lung tling. 

A hmaizerh a vun phan i an vun i pum hna.
Pastor pa cu thawngttha a vun chim i mipi
pawl cu an ngu hoi. Cuti an ngut lio ahcun
pastor pa nih 
"Zoh u khih, Thiangthlarau a rak ttum." a ti i
mipi pawl nih khuaruahhar ngai in
 an lu cu an vun tun i an zoh,
nain zeihmanh an hmu lo.
"Zoh u khih, Thiangthlarau a rak ttum."
a ti tthan,  nain zeihmanh a cang lo.
"Zoh u khih, Thiangthlarau a rak ttum."
a ti tthan, zeihmanh a cang hlei lo.
"Zoh u khih, Thiangthlarau a rak ttum."
tiah thang tak tak in a ti tthan i
pulpit hnu lei in mipa nih cun
"Puangrang pi kai aih ding kha caw nih a ttam."
tiah a vun ti. 




ZAI HUAM NU A THI

Zai a huamtukmi an nu kha a thi i
phum dingin ruakkuang in an zawnh i
thlanmual leiah an kalpi. Thlanmual phanh 
lai te ah a chuk/cheng ngainak zawn
te khi a um. Cuka a chuknak zawn ahcun 
ruakkuang putu pawl cu an ril i ruakkuang
cu an thlak le vantthat ah a thimi nu
cu a hung nung. Nain kum 3 hrawng a
nun ah lungtur in a thi tthan. Ruakkuang
cun an zawnh i phum dingin an kalpi
tthan le thlanmual phanh lai te i a chuk
ngainak zawn te an vun phanh bak ah
a thimi nu i an pa nih
"Khah khah khah, i ralring uh. Ruakkuang
nan thlak hoi sual lai."
tiah thinphang ngai in ruakkuang putu
pawl cu a chimh hna.




MANGTTAM

A thau tak takmi pa le a der ngaimi pa 
an i soi i a thau ngaimi pa nih
"Ka kawi, Mirang pawl nih an in 
hmu hna sehlaw Laitlang hi 
mangttam pei a tlung hi, tiah an ruah lai" 
a ti i mi der pa te nih cun aa thawh ve i
"Ka kawi, Mirang pawl nih an in hmu 
ve hna sehlaw a zeiruangah dah Laitlang 
ah hin mangttam a tlun ti cu an i fiang ve ko lai" 
tiah a leh ve.

Comments

Post a Comment

Popular posts from this blog

Capo 71

By -
KHUP LUAI Tawhrawlh thar te a van i hruk. Dawh tein a van i ttamh le nungak he lam an leng. Nungaknu nih "Na tawhrawlh aa dawh ko e!" a van ti lio ah a langhlat in "Khuuuuuuuup Luaaaaaaaai, ka pa nih ka tawhrawlh van pu seh, meeting ah kal ka duh hih, a tiiiiiii. » TULUK VS LAIMI Tuluk umnak ah; Restaurant Laimi umnak ah; Khaini NU LE PA HAWIKOM Pa le pa an i kom i tlawmpal ah «Ka kawi ka ral cang.»  Nu le nu an i kom i tlawmpal ah «Ka maw ka ral cang.»  Nu le pa an i kom i tlawmpal ah «Ka kawi ka dada cang.» MI BIA NGAI HMASA "Bia na chim hlan ah mi bia ngai hmasa." ti si kaw, ka bia ngaih hmasa hnu ah holh aa tim i a bia ngaih hmasa hnu ah holh kaa tim ve. Ticun holh lo veve in kan ttin.
Reel chap

Capo 70

By -
US AH LAIPA US um laipa pakhat cu a tthutnak hmun ah Ambulance nih an va lak. A ruang cu a kaa in thisen tam ngaite a chuak i a tthutnak hram zongah a chakmi thisen tampi an hmuh. Sizung ah rianrang in an tlikpi i sibawi te nih an hun check cu a thisen siloin kunja hang a rak si. PASTOR PA CAWNPIAKNAK An pastor pa nih "Phaisa duhnak hi tthatlonak phunkip chuahnak hram a si." timi kong kha a cawnpiak ciammam hna le a Khrihfabu chungtel pawl nih tthat lonak phunkip ton cu duh ve hna hlah kaw phaisa an kawl duh ti lo i; phaisa cheuhra cheukhat a um ti lo, thawhlawm a um ti lo, biakinn saknak phaisa a lut ti lo, Missionary an thlahmi zong phaisa an pe kho ti lo. Amah pastor pa lila zong lahkhah an pe kho ti lo i an buai kho eeeeee. FREE WIFI A phone aa lak le hellram lei ah a kal thluahmah. Peter nih a kut a hei zaoh i "Heiii... Khup Luai, ziah hellram lei ahcun na kal, vanram lei ah na ra lai lo maw? Innka ka hun ko hi." tiah a hei ti i Khup Luai nih aa thawh le...
Reel chap

Capo 66

By -
ZUU RAM PA Motor cycle in nichiar zuu dawr ah a kal le voikhat cu a kal lio ah a accident i motor cycle in a tla le a motor cycle te lawng zuu dawr a va phan. MITKUAK THUK PA A mit operation tuah ding a si le a mitkuak a thuk tuk i a hnu lei in an tuah. HUAT A TLAI BAKMI Bia i el lio asilole i sik lio ah chim ding bia hngalh lo i, inn ttin hnu ah chim ding bia ttha ttha a rat khi huat a tlai tak. RAWL EI LAI THLACAM Rawl ei lai thla an van cam i «Kan ei dingmi rawl chung i a thurhnawm le sivai ttha lo vialte kan thianhpiak ko.» tiah an ti bak khi cu a chuangtu caah tha a chia tak lai.
Reel chap