Capo 29

ZEITIN NA CHIM LAI?

Sayamah:

"Nan dl le he rawl nan ei lio ah

nan zun chuaktuk sehlaw

zeitin nan dl le sinah nan chim lai?"

Phihlik:

"Ka zun ka zung ta lai, tiah ka ti ko lai."

Sayamah:

"Rawl ei lio pi ahcun a zoh chia si."

Caicim:

"Ekinn ah ka kal ta lai, ka ti lai kei cu."

Sayamah:

"Rawl ei lio ahcun fih a nung si."

KEIMAH:

"Kei nih cun hiti hin ka ti lai.

'Ka dawt, chikkhat te rak tthu ta rih law

ka naupa ka va chawnbia ta lai. 

Ka nau hi na hmuh bal rih lo caah na hngal men lai lo i, 

rawl ei dih in i tonnak caan ttha zong cu nan ngei te lai cu.

Khah asi ahcun ka va chawnbia ta ko ne lai rak tthu ko rih mu.'

tiah ka ti lai."

Sayamah:

"Hihihihihihi."

NA KA UAR MAW?

Pa:

"Ziah na ttah bu cun ramtang lei ahcun na kal?"

Nu:

"Ka thinhung tuk kai awk lai."

Pa:

"Ticun asi lo cuh. Rian ttuan ding tampi kan ngei si.

Khrihfa na si ko lo maw?"

Nu:

"Si"

Pa:

"Kei zong ka si ve!

Khuami na daw hna maw?

Nu:

"Daw."

Pa:

"Ka dawttuk ve hna.

Korea drama na uar maw?

Nu:

"Uar"

Pa:

"Ka uartuk ve.

Na ka duh maw?"

Nu:

"Duh lo."

Pa:

"Vai i awk ko ne. Byee»

NU A LO AI

Pa:

"Na mui cu khuaruah har bak asi ko."

Nu:
"Hehehe, kai lawm."
(a ning a zak nawn.)
Pa:
"Na tungtai zong a mak bak hih."

Nu:
"Cu ngai cu eih. Fak na thiam."
(a lu khun nawn tein a ni)

Pa:
"Na pungsan zong hi ho hmanh nih an in tluk bak lai lo hi."

Nu:
"Kai lawmtuk. :D .
Ka tta zei na ti duhnak hme?
Na ka faktuk le rawl dangh na hau. Hehehe."

Pa:
"Ka ti duhnak cu mu
Na mui khuaruahhar asinak cu
NA MUI A CHIATUK NGAMSAM i ka khuaruah a har.
(nu nih vuk tiah a zoh i a ka ai aan)

Cun, na tungtai a maknak cu
arti bak na lo.

Cun, na pungsan hi an in tluk lai lonak cu
a chiatuk i, hinak chia hi cu a um ti lai lo caah asi."
Nu cu a ka ai aan i atu tiang ai aan peng ko.

ZAWNGKENG PA

Camipuai a vun phi

Midang a zoh hna i caa an ttial
thluahmah cang. A nih bel
ttial awk a hngal ti lo.
A phone ai chuah i a facebook a on le
"Camipuai ka phi kho lo i
mi caa ttialmi i copy dingin
ka hngak ko hna hih. Lol. "
tiah a status ah a ttial i a sayamah nu nih
"Zawngkeng, na cauk kha i lak law
ttin. Mi ca i copy a ngah lo."
tiah a vun comment.
Mah a comment mi cu an
Saya Kyi pa nih a like.
Zawngkeng pa cu a tho i
a ca tlap cu a lak le ttial lo
pi in a va pek hna.
Leng a chuah pah in
"Keimah lawng ka si lo.
Ka pawng a tthumi Zawngkeng nu
zong asi ve ko. Atu nai i
a khuh a khuhmi zong kha
ai khuh termi asi.
Cun khi khih, khi zawngkeng pa
zong khi asi ve. A cafung a thlakmi
zong kha ai thlak termi asi."
tiah ati ta le a chuak diam. 

Zerhkhat hnu ah
"Sianginn kan dih cang le
hman kan i thla hna lai kan zapi in
Cun, hi hnu kum 10 hrawng ah
"E, amah hi Cim Cim kha asi i
atu hi cu sibawi a ttuan cang. 
Cun amah hi Rote asi i atu cu saya a ttuan ve cang. 
Nain zawngkeng pa bel hi cu
a tu tiang a a tthutnak class ah
a tthu peng ko rih.
kan ti te lai cuh."
tiah an sayamah nu nih ati i. 
Zawngkeng pa nih ai thawh ve le 
"Aw ta, mah cun in
'Eee, mah kan vokpi, a ziachia takmi
facebook ah mi caa kai copy lai
tiah ka ttial lio i a rak ka hmutu
kha atu cu a thi ve cang.'
kan ti te lai cuh."
tiah ati i a zaam diam.