Capo 35

KA CHIM BANGIN NAN TUAH LAI

Vanlawng karawn zung i rian a ttuan lio ah

vanlawng cungin pilot pakhat nih phone a vun chonh.

Pilot:
"Pu Kual, kan thi dih lai cang hih. Zeitin kan um lai?"

Pu Kual:
"Zeitin thil sining asi le?!!"

Pilot:
"Kan vanlawng engine a rawk.
A tu hi van sangpi ah kan zuan lio asi fawn."

Pu Kual:
"Minung nan tam maw?"

Pilot:
"Kan za tein minung 280 kan si."

Pu Kual:
"Khah asi ahcun, vanlawng ai citmi cu va chim hna.
An thin phang hna hlah seh.
Kan chimhmi hna ning paoh in tuah nan rak i zuam lai."

(Pilot cu mipi lei hoih in speaker ai tlaih i bia a vun chim.)

Pilot:
"Hello, atu bia a chimmi hi pilot ka si.
Nan thin phang hlah uh. Ruahchannak kan ngei ko rih.
Vanlawng karawn lei in bia a ra ding a um i
cu bia a rami bang cun kan tuah dih hna lai."

Pu Kual:
"Na chim kho cang maw?

Pilot:
"Aw chim kho. Kan in hngah ko hih."

Pu Kual:
"Khah asi ahcun mipi pawl cu chim hna
nan dih lak in thla cam zok zok uh.
Mah lo cu tuah ding dang a um ti lo.»

CONDOM HMANG BAL LO PA."

Condom ka caw lai tiah dawr ah a kal.

Dawr ngeitu nu nih 

"Condom hi na hmang bal maw?"

tiah a hal i a rak hmang bal lo ai. 

"Ka hmang bal lo."

tiah a leh. Dawr ngeitu nu nih cun 

a hman zia a thiam le thiam lo kha a hal. 

"Ka thiam lo." 

tiah a leh tthan.

Dawr ngeitu nu nih cun 

"Asi ahcun kan chimh lai mu."

tiah ati i condom pakhat cu a phoh. 

Pa nih cun a zoh ko. 

Dawr ngeitu nu nih 

"Khah, hiti hin na phoh lai. Cun

hika hi a chung lei asi lai i, hika hi

a leng lei asi lai. Cun hiti hin condom

chungah na sawh lai."

tiah a kut zung hnih cu condom chungah

a sawh i pa cu a piah.

"Na fiang cang maw? Hiti hin 

nu he nan ih tik paoh ah na tuah lai."

tiah ati i pa nih cun

"Fiang fiang. A rak fawi te ko hi teh. Hihihi."

tiah a nih pah cun a leh i a man cu

a pek le condom cu a lak i a ttin pi.

Zaan a vun si. Nazi cu a zoh i nungak he

an i ching caan a phan. 

Condom cu pa 5 hrawng a zal ah ai sanh.

A kedan ai danh. Nungak nu cu hotel lam in

a hngah i tlawmpal ah nu cu a vun phan.

Hotel chung ahcun an vun lut.

Ihkhun ahcun an vun it i condom cu

a vun chuah. Dawr ngeitu nih a chim dan

tein a phoh i a tuah. Nu he caan zeimaw zat

 an vun hmang i an hman dih in nu nih 

"Tak ah, condom na hmang ko lo maw?"

tiah a hal i pa nih cun

"Aw hmang e. Hman lo cu. Zoh ca hi."

tiah a ti pah khin a kut zung hnih

in condom a sawhmi cu a piah. 

PAFA HNA I CAWNPIAK

Afa:
"Ka pa, mairun meh le biskut meh nih 
a ka simh tuk cang
Mah pi rum ro"

"Kafa, na hngal lotuk hih
mairun le biskut na vun ei bak khin
voksa ka ei ti ruah in ruat law
a thaw ko lai"

(Rawl cu an ei khawh. Zaanlei a

vun si i a fapa cu voksa cawk

a fial i, voksa cawk ahcun a kal le

a cawk dih in a vun ttin.)

Apa:

"Kafa, ziah mairun le biskut cu
na vun cawk? Voksa vun caw kan ti lo maw?
Voksa ei lai lo cu rawl ei kaa ngaih ti lo"

Afa:
"Kapa, na hngal lo tuk hih
voksa a caw ti ruah in ka ruat law
na chumh tik zongah voksa ka chum ti in
ruat law rawl ei naa ngaih ko lai"

Apa:
Sicun mah vialte tangka kha teh?

Afa:
"Kapa, zuu kaa cawknak nain
lakphakti aa cawknak tiah ruat law
asi ko cuh"

Apa:
"Ok, sicun kan velh lai i
a ka dai ti ruat in ruat ve law
ttap hlah na thei ma?"

A fapa nih a thil cawkmi cu 

ttuang ah a chiah ta i

a zaam diam.

KAWL COZAH ZIA

Fak deuh in lihchim chim paoh ah
fak deuh in lih a chimtu lu a beng 
khomi Seh an i ken i  President Thein Sein 
interview tuah dingin an va kal.

Biahaltu nih 
"President, tlangcungmi he kahdaihnak 
kan ser lai na timi hi fiangfai deuh in na 
kan chimh kho hnga maw?"
tiah a vun hal i, Thein Sein nih:
"Si, atu tlangcungmi rianttuan tu pawl 
he i tonnak kan ngeih bak in, ka ram 
chungah meithal thawng le bomb 
thawng kan lenter ti lai lo. Ralkap 
bawi pawl hna zong nawl ka pek dih 
cang hna. Tlang cungmi doh ah a kalmi 
hna zong an rak kir thluahmah cang. 
I kahnak a um ti lai lo, daihnak dah ti lo cu." 
tiah a leh i lihchim a hngal khomi seh nih 
tlu lak bak in Thein Sein cu a bengh.