Capo 36

THAWNG TTHA CHIM EVANGELIST PA

Evangelist pa kha thawngttha chim

ah khual a tlawng i, lampi a kalnak ah

a paw a ttam tuk le, inn khat hna inn ah

rawl ei dingin a va kal.

Innka a kingh i "Nan um maw?" tiah

a hal hna, nain ho hmanh nih an chawn lo.

Innka cu voi tampi a kingh nain 

ho hmanh nih an rak ong lo. 

Inn le dum kha ai tlaimi asi i, 

dum ah an um hnga maw tiah dum chungah

a va lut i "Nan um maw?" tiah a va au tthan.

Nain a ho hmanh nih innka cu an onh hlei lo.

"Ziah, an um hnga lo maw awww."

tiah ati i catlap te a chuah i

Bible ca caang 

"BIATHLAM 3.20

Ngaihmanh! innka ah ka dir i ka kingh. 

Ahohmanh an si ah, ka aw a thei i 

innka a ka hunhmi cu, a inn chungah cun 

ka lut lai i a sinah rawl ka dum lai i 

amah zong ka sinah a dum ve lai."

timi kha a ttial ta i innka ah a benh ta.

Zeikhom asi ah restaurant ah va ei ko ne ning

tiah a kal i a va ei. A rak kir lei ah dawngkhat 

hna innka i catlap a benh mi te cu a zoh tthan i

a benhmi catlap tang ah inn ngeitu nih

bible ca caang an rak benh ve.

An benhmi bible ca caang cu:

Genesis 3.10

"(...)Dum chung i 

naa chawh thawng kha ka theih i 

taklawng ka si caah ka thin a phang, 

kaa thup," tiah a leh." timi kha asi. 

MUI DAWH A MIAK LONAK LE MUI DAWH LO A MIAKNAK

MUI DAWH A MIAK LO NAK:

1. Mi chat tu an tam, an tam tikah leh an hau

leh hna tikah caan a la, caan a lak tikah

caa zohnak a dawn, caa zohnak a donh tikah

caa ai zoh kho lo, caa ai zoh khawh lo tikah

caa ai thiam lo, caa ai thiam lo tikah catang sang

phanh khawh asi lo, ca tang sang phanh khawh 

lo tikah rian ai ttuan kho lo. Rian ai ttuan khawh lo tikah

tangka ai hmu kho lo, tangka ai hmuh khawh lo tikah

si a fak, si a fah tikah rawl ai ei kho ti lo, rawl ai ei

khawh lo tikah dernak a chuak, der tik ah mui a chia

mui a chiat tikah duhtu ai tong ti lo, duhtu ai ton lo

tikah va ai ngei kho lo, va ai ngeih khawh lo tikah

fa ai ngei kho lo. 

Mah te lawngin zungzal umnak achuak.

2. Mui ai dawh tikah chattu an tam, an tam tikah

leh an har, leh an har tikah leh lo in um asi, 

leh loin ai um tikah biachia a ra, biachia a rat

tikah thin a hung, lung a fak, thinhunnak le 

lungfahnak nih lungthin a zawt ter, lungthin

a zawt tikah nun khua a tawi, nun khua atawi

tikah tuan ah thihnak asi. 

MUI DAWH LO A MIAKNAK:

- Chawntu an tlawm. Sianginn ttha tein

ai kai kho. Ttha tein sianginn ai lim kho.

Cun rian ttha te ai ngah. Cun mirum ah

i chuah asi. Cu tikah va ttha te tonnak asi.

PALH CIKCEK

Ram 3nak a vun phan.

Motor a vun i cawk. Khuasik thla asi.

Snow tamtuk a tla i motor vialte  

a khuh dih hna. Zing a vun tho i

rian ttuannak ah motor cu kalpi ding

asi le snow cu heh tiah a thianh i snow kha 

an hak pah cang hna i cun motor thlalang ah

an i benh dan a fektuk cang i nazi 1 chung

a thianh. A vun thianh dih i a license number

cuannak te lawng a tang. Cu ka zawn cu a vun

thian i a license number cu a vun zoh le

"Aizeeeee!" ati le a lu ai domh i

inn chungah a lut diam. 

Midang motor a rak si cuh, a thianhmi kha 

A SUAL AI PHUANGMI PASTOR 3

 Pastor pathum an i tong i bia an i ruah.

1nak Pastor:

"Tak ah, bia kan i ruahnak zong a sau 

pah cang i, zei dang kong cu kan chim

dih cang. Kan mah lawng kan si ko i

kan sualnak kan i thuhmi pakhat cio

i chim tuah hna usih. Kei mah nih ka 

chim hmasa lai. Kei ka sualnak 1 ka 

thuhmi cu a thli tein zuu ding ka hmang.

Zuu hi kai sum kho bak lo."

2nak Pastor:

"Kei ka sualnak cu chim hmanh ah ningzak

tuk asi. Nain kan mah lawng kan si ko i

kan chimh ko hna lai. A min men in pastor

cu ka hei si i, khua mi nungak tlangval nih

an ka dawt ngai le, ka keng hna an ka nam 

tawn i, ka keng a ka namtu nugnak pawl

 hi ka itpi lengmang hna. Hihi kai tthing kho 

bak lo. Cucu ka sual biknak asi i,

ho hmanh chim lo tein ka thuhmi sualnak asi."

3nak Pastor:

"Kei ka sual biknak cu ka kaa a daktuk le

mi chimmi bia hi dakaw mi dang sinah chim loin

ka um khawh lo cu. A, ka dua le hna atu

hi chuah lai kai ngaih tuk cang hih."