Capo 39

By -

BIAKINN AH HNGAKCHIAPA LE A NU:

 Hngakchia pa:
"Ka nu, ka zaw, ka luak chuak."

A nu:
"Kafa, va kal law biakinn hnu lei ah
lam fate a um lai i mah cu va zul law
cun thingkung nganpi tang ah khan va luak."
(Hngakchia pa cu a chuak i
tlawmpal ah a rak kir colh.)

A nu:
"Ziah na kir rang ko e. Zeitin
na va phanh manh ning asi?

Hngakchia pa:
"Ka nu, lam hlapi ah va kal hau lo in
biakinn innka hram ah bawm an chiah i
<Mi zaw caah> tiah an ttial le
kei ka zaw i mah bawm ahcun ka luak ko."

(A nu nih mah bia a vun theih cu a lau
ning hi a thi deng. A ruang cu
mah bawm kha mi zaw bawmhnak

caah tangka an siantawk an chiahnak asi cuh.





LIHCHIM PASTOR

Pastor pa Biakinn in a rak ttin i 
lampi ah hngakchia 3 a ton hna.

Pastor pa:
”Ka fale, zeidah nan i ceih len ko?

Hngakchia 3
”Lihchim kan i zuam ko hih.
A awngmi paoh nih mah phaisa 
1000kyat hi an i lak lai.”

Pastor:
”Ka fale, lihchim hi sual a si ti nan 
hngal lo maw? Lihchim hlah uh. 
Kei ka hngakchiat lioah lih ka chim ballo.”

(hngakchia 3 cu anmah le anmah an vun
i zoh i, an lu an i suk pah in 
hmaipanh ngai in an vun au i)

”Eeeeee! Pastor pa a awng.”
tiah an ti le phaisa 1000kyat cu an pek




VOK KA SUAI LO

Fapa:
”Ka nu rak zoh hmanh hih 
hmanthlak ka suaimi.”

Anu:
”Wooow, kafa, vok suai na va thiam ve.
Vok a lo tuk tak hi.”

Fapa: 
”Ka nu, capo na thiam, vok ka suai lo, 
nangmah kan suaimi a si.” 

Anu:
"Aize, maw tawlkeu pa awwwww
Sicun mah meheh hi teh?"

Fapa:
"Mah hi cu ka pa ka suaimi a si."


KA FIR LO

Hngakchia pa kha rang nawn in

Lengah a rak chuak i a pa nih
”Amul na fir i na ei tih?”
tiah a hal i hngakchia pa nih
”Ka fir lo, ka ei lo.” tiah a leh pah in
a kaa in amul an hung chuak phut phut.






Comments

Post a Comment

Popular posts from this blog

Capo 71

By -
KHUP LUAI Tawhrawlh thar te a van i hruk. Dawh tein a van i ttamh le nungak he lam an leng. Nungaknu nih "Na tawhrawlh aa dawh ko e!" a van ti lio ah a langhlat in "Khuuuuuuuup Luaaaaaaaai, ka pa nih ka tawhrawlh van pu seh, meeting ah kal ka duh hih, a tiiiiiii. » TULUK VS LAIMI Tuluk umnak ah; Restaurant Laimi umnak ah; Khaini NU LE PA HAWIKOM Pa le pa an i kom i tlawmpal ah «Ka kawi ka ral cang.»  Nu le nu an i kom i tlawmpal ah «Ka maw ka ral cang.»  Nu le pa an i kom i tlawmpal ah «Ka kawi ka dada cang.» MI BIA NGAI HMASA "Bia na chim hlan ah mi bia ngai hmasa." ti si kaw, ka bia ngaih hmasa hnu ah holh aa tim i a bia ngaih hmasa hnu ah holh kaa tim ve. Ticun holh lo veve in kan ttin.
Reel chap

Capo 70

By -
US AH LAIPA US um laipa pakhat cu a tthutnak hmun ah Ambulance nih an va lak. A ruang cu a kaa in thisen tam ngaite a chuak i a tthutnak hram zongah a chakmi thisen tampi an hmuh. Sizung ah rianrang in an tlikpi i sibawi te nih an hun check cu a thisen siloin kunja hang a rak si. PASTOR PA CAWNPIAKNAK An pastor pa nih "Phaisa duhnak hi tthatlonak phunkip chuahnak hram a si." timi kong kha a cawnpiak ciammam hna le a Khrihfabu chungtel pawl nih tthat lonak phunkip ton cu duh ve hna hlah kaw phaisa an kawl duh ti lo i; phaisa cheuhra cheukhat a um ti lo, thawhlawm a um ti lo, biakinn saknak phaisa a lut ti lo, Missionary an thlahmi zong phaisa an pe kho ti lo. Amah pastor pa lila zong lahkhah an pe kho ti lo i an buai kho eeeeee. FREE WIFI A phone aa lak le hellram lei ah a kal thluahmah. Peter nih a kut a hei zaoh i "Heiii... Khup Luai, ziah hellram lei ahcun na kal, vanram lei ah na ra lai lo maw? Innka ka hun ko hi." tiah a hei ti i Khup Luai nih aa thawh le...
Reel chap

Capo 66

By -
ZUU RAM PA Motor cycle in nichiar zuu dawr ah a kal le voikhat cu a kal lio ah a accident i motor cycle in a tla le a motor cycle te lawng zuu dawr a va phan. MITKUAK THUK PA A mit operation tuah ding a si le a mitkuak a thuk tuk i a hnu lei in an tuah. HUAT A TLAI BAKMI Bia i el lio asilole i sik lio ah chim ding bia hngalh lo i, inn ttin hnu ah chim ding bia ttha ttha a rat khi huat a tlai tak. RAWL EI LAI THLACAM Rawl ei lai thla an van cam i «Kan ei dingmi rawl chung i a thurhnawm le sivai ttha lo vialte kan thianhpiak ko.» tiah an ti bak khi cu a chuangtu caah tha a chia tak lai.
Reel chap