Capo 49

AI DAWMI KAWIFA

"Ka kawi, nang le kei cu kawi kan si i

ka unau bantuk in kan hmuh. Na herhmi

chim, kan bawmh lai. Na ngeih lomi chim,

ka ngeihchunte zong kan pek lai."

==> "A, kai lawmtuk ka kawi. Kawi timi cu

nangmah hrim hi na si. Nain ka ngeih lomi

na ngeihchun vun pek ding le vun hrawmh

dingin cun a si kho tak tak hnga maw?"

"Si kho eeeee, kawi cu pei maw kan si cu.

Na ngeih lomi cu zeidah a si, vun chim?

In bawm dingin ready ka si hih."

==> "Nupi ka ngei lo."

RIT PALH

Motor ai cit bal lomi pa kha voikhat cu

motor ai cit le, a voikhat citnak si kaw

a ri tuk nain, motor rit a si ti kha a ruah

awk a hngal lo i, dam lo sawh ah khin a rel.

A hawipa nih a hei zoh i 

"Ka kawi ka zoh tuah?" tiah a vun ti i

a vun zoh le

"Motor na ri hi teh." tiah a ti i

motor cu an tanter i an ttum hna.

Leng ahcun an i din hna i

motor a rimi pa cu a hung chuak le

mi cu heh tiah a hro hna.

"Ho dah a ka ngamh? Pa cio cio.

Pakhat te te in kan i vel hna lai."

tiah a au len i a hawipa nih

"Mah hi zuu maw a din hnga?

Atu nai kha bia zong ttha tein kan i 

ruah ko pei ti." tiah a ti i a sin ahcun

a kal hnawh. Zuu a ding hnga maw tiah

a kaa rim cu a hnimh i zuu rim a nam lo le

"Ka kawi, ziah hme ti cun na au e? Motor

a rimi cu hitihin an um bal ttung lo. Dai tein

pei an i dinh cu?" tiah a ti i tlawmpal ah

puan ai aih le dai tein rambelh cu ah a it. 

MIRANG HOLH UAR NU

Mirang holh a thiam lo nain

mirang holh kha a uar tuk i

voikhat cu ai ttamh lio ah a nu nih

"Ka fa, zeihme na tuah?"

tiah a hal i

"Ka hmai ke EDIT" tiah a leh

RAWL AN KA DANGH

Fapa:

"Ka nu, inn in ka chuah lei ah khan cun
paw ttam in ka chuak le, inn ka vun ttin
lei ahcun khim tak tak in ka rak ttin.
Ka pi nih dakaw rawl a ka dangh cu."

Fanu:
"Ka nu, kei zong ka chuah lei ah khan cun
paw ttam in ka chuak ve le, inn ka vun ttin
lei ahcun khim tak tak in ka rak ttin ve.
Tlangval pawl nih dakaw rawl an ka dangh cu.
Thlakua chung rawl ei ka hau ti lai lo.