Capo 2

MUI DAWH LO

Aa dawh lo tuk ning hi
vok rawl ka pe lai a ti i
vok nih an hmuh le an zam tak.

HA HMUL PA

A dl he ram lakah an kal i
«Um, mah hi ka hi a rem.» 
tiah caan an vun la. Amah nak in
a dl nu cu sang deuh kaw vun i
hnamh ding ahcun lung cung ah
a kai a hau. An thil cu an vun i
phoih veve i Adam thuam in
an vun um le lung cung ahcun
a vun kai. An vun i hnamh tlawmpal
bak ah lung kha a chuknak zawn ah
a ummi si kaw lung nih a vun tolhpi
le pa cu a vun tolh i a tolh pah in
nu a ttang in a paw in a tanglei tiang
a ha nih a vun zian le pa cu
thlang lei ah a vai i let thluahmah.
A donghnak ah ram lak tikhur pawng ah 
a va tang i a vun tho le ti a thanmi pawl nih
an vun zoh i «E, a ha a hmul khi!» an ti. 

KA KHAIRIAT NA LAK

A khairiat ka la lomi rumro «Ka khairiat na lak» a ka ti i a ka hal peng. «Ka la loh eh.» ka ti zongah a ka zum lo i ka kalnak paoh ah a ka dawi. Ka ing a ka puanh tuk cang i ti awk hngalh lo ah inn chung ah ka luh tak. Luh ve a vun i tim tthan i «Hung lut hlah.» ka ti pah in innka cu ka khar. A duh lo i a ke in innkhar cu a vun kham i ka khar kho lo. «Na ke la.» ka ti i a duh loh le ka thin a hung tuk cang i innka cu kau tak tak in ka on le fak tak tak in ka khar ciam mam cu aa ai sek.

DUH LO CANG CUN

Pa:
"Khah, thla hnih chung na ka hngahtermi a phi cu ka pe cang ne. Lungsau tein hi can can kan hngah i na ka pek lo cun kan hngahnak caan vialte a pakpalawng an si dih lai hih."

Nu:
"A sicun kun law tuah ding rian kan fial lai i na tuah dik sicun a phi kan pek lai."

Pa:
"Okie."
(pa cu a kun)

Nu:
"Khah, asicun min pakhat in ka chim lai i minung min a si ahcun na dir lai, asinain minung nih eimi min a si ahcun na bok lai. Cucu palh lo tein na tuah khawh sicun tuni thawk in kei cu na ta ka si lai."

Pa:
"Okie. Ngah tuk."
(pa cu aa ngeihtuk)

Nu:
"Naa ready maw?"

Pa:
"Ready."

Nu:
"Khaaat, hniiiiih, thum: <Patlung>"

Pa:
"😯"
-------
Pa nih ka bok lai maw ka dir lai dah ti a ruah awk a hngal lo i a tu tiang a kun peng ko. 😂😂 A ruang cu nu nih chuncung i a kheomi patlung min maw a chim asilole minung min dah ti a ruah awk a hngal lo. 
CAWN DING:
An duh bak lomi cu va hngak len duh hna hlah. Na co kho hlei ttung hna lai lo i na caan lam pam. 

NUNGAK CAAH SABUTI MAN DENG DEUH

Pa Tum:
"Ka kawi, hawidang sabuti an zuar cio i nungak eimi kheng khat le tlangval eimi khengkhat an man aa khat ko pei ti. Nain nang na sabuti zuar dan hi ka fiang lo e."

Pa Lai:
"A ziah hme?"

Pa Tum:
"A ruang cu tlangval ei man nakin nungak ei man a din deuh. Cun pa nih an eimi khengkhat man hi dawr dang i an zuarmi khengkhat nakin a man a fak deuh i nungak ei man hi dawr dang nakin a din deuh fawn."

Pa Lai:
"Nungak eimi lawng a si lo. Nu an si paoh ahcun pa eimi nakin a man an din deuh dih ko."

Pa Tum:
"A ziah?"

Pa Lai:
"Nu caah man deng deuh in ka zuar i nungak pawl kha dawr dang ah sabuti ei ti loin ka dawr ah an hung ei cu ta."

Pa Tum:
"Ziah man deng deuh in na zuar fawn i na sung deuh lo maw?"

Pa Lai:
"Sung hlah eeee. Nu ngak pawl ka dawr ah an ra i nungak pawl komh duh ah tlangval dang tampi nichiar an ra i an ei ve. Cun nuhmei an rat tikah pahmei zong an ra ve. Pa hmei pawl lebang cu nungak he nuhmei he komh ding an ngei i hi, ka dawr ah an ra zel ko lo maw zei. Cu lawng a si loh. Patung zer pawl zong an nupile hngalh lo in an ra leng mang cu teh hi. Ka manh tuk lo maw zei."