Capo 55

PHONE NA ZOH TLUK IN CAA HI ZOH LAW...

Pa: 

«Ka fa, phone na zoh tluk hin caa hi zoh law cu vawlei cung caa thiam bik hmanh na si cang lai. Zaan na ih lai ah phone, na thawhka zong ah phone. Rawl na ei lai le na ei lio le na ei khawh zong ah phone. Nangmah lawng na um lio zong ah phone, na hawile he na um lio zong ah cu tthiam. Pumh lai le pumh lio le pumh dih zong ah phone. Innchungkhar he um lio zong ah phone. Hmmm.» 

A pa nih cu ti a timi cu a lung a suk ngai i, phone a chiah le caa zoh hram aa thawk. A ih lai le a thawhka ah caa a zoh. Rawl a ei lai le ei khawh cu chim lo ei lio hmanh ah khan a zoh cang. Hlan i phone a rak tawngh ning vialte kha caa zohnak in a thlen i a pa aa lung hmui tuk. Asinain camipuai an ngei i a sung.

A pa:
«Ka fa, hi tluk in caa na zoh komi zeitin na sungh thiam?»

Fapa:
«Hngal ve hlah. Caa cu ka zoh peng ko."

A pa:
«Na zoh peng ko ahcun zeitin hme na sungh thiam ne?."

Fapa:
«Ka hngal loh kan ti cu a. A zoh lawng ka zoh i ka reel lo le teh a si ko lai.»

KA DAM MAW? 
Tuchan minung tampi cu kanmah kong nakin mi kong kan hngal deuh. Cucaah mi he kan i ton tik zongah "Na dam maw?" ti a um ti lo, "Nang na dam, kei teh ka dam ve maw?" ti a si cang

HLENNAK IN NUPI KAWL PA

A duh tukmi nu kha a um i tthit a duhtuk. Voikhat cu a va leng.

Pa:
"Ka dawt, nizan ka mang bak cu khuaruah har a si. Ka mang kan chimh hlan ah ka tuanbia kan chim ta hmanh lai. Ka ngakchiat te hin Pathian sinah ka hal tawnmi cu "Bawipa, keimah tein nupi kaa kawl lai lo. Nang nih nupi ka kawlpiak." ti hi a rak si. Nizan ka mang cu ka thlacamnak a tling ko tiah ka ruah. Ka mang ah Pathian nih biakinn chungah a ka hruai i pulpit cungah nu pakhat mo thilthuam he a dirko khi ka hmuh. "A hodah a si Bawipa?" tiah ka hal i "Na nupi ding a si. A hmaikhuh khi ong law zoh." a ka ti. Ka hun on i ka zoh cu nangmah na rak si. "Bawipa ka nupi ding maw a si tak ko?" tiah ka hal i "Hihi na nupi caah kan chiahpiakmi a si." tiah a ka ti. Cucu zeitin na ruah ve ning a si?» 

Nu:
"Pathian nih a ka pekmi na si na ka ti cun el awk a ttha lo cu ta. Kan i um ko lai."

(Pa a hun i nuamtuk. Nu nih a bia a peh) 

... Asinain ka tuanbia in chimh ta ve kan duh. Kei hi va ngei cia ka si i fanu pakhat ka ngei le atu hi a pa sinah a um.

(Pa a hun lau pah)

Pa:
"Nan pa he cun ziah nan i tthen?»

Nu:
"Aw, ka va ding na si ko caah kan chimh lai. Kan pa um lo kar ah kan inn a tlungmi sumdawng pa he kan it tti tawn i, cucu kan pa nih a theih le a ka ngaihthiam nain AIDS sumdawng pa nih a ka chawnhmi a theih le a ka tthen.» 

(Pa cu a lau chin chin. Nu nih a bia a peh .)

... cun a tu i ttawk ttha ngai in na ka hmuhmi zong hi ttawk deu a si, ka hnuk a ngan ngaimi zong hi a tak tak a si lo, a deu a si.»

(Pa cu a lau tuk cang i…) 

Pa:
"Ok Ok Ok... Ka mang kong ah na ruahnak kan hal le na ka chimh i kaa lawm. Nain kei cu mang te mei mei hna cu zumh ding a si lo ka ti." tiah a ti le a ttin tak deih.  

NA NGAIHCHIAT CAAN I AA LAWMMI

Na dl he nan piat i ngaihchia ngai in na um lio ah an hngaktu a rak i lawm ziar. Asinain na ex sinah kir hmanh, a thi deng tthan lai.